Lufta mes Shteteve të Bashkuara dhe Iranit ka shkaktuar një përçarje të thellë mes Emirateve të Bashkuara Arabe dhe Arabisë Saudite, sipas raportimit të Axios.
Burime nga SHBA dhe rajoni bëjnë të ditur se administrata e presidentit Donald Trump fillimisht nuk e ka vlerësuar siç duhet seriozitetin e përçarjes dhe në fund ka zgjedhur të mos ndërhyjë.
Në fazat e para të konfliktit, Sekretari amerikan i Shtetit, Marco Rubio, u kishte bërë të qartë Riadit dhe Abu Dhabi-t se Washingtoni nuk do të mbante anë në këtë përplasje.
Zyrtarë të lartë, që kanë folur në kushte anonimiteti për Axios, paralajmërojnë se dy aleatët kyç të SHBA-ve në rajon mund të bëhen edhe më armiqësorë ndaj njëri-tjetrit pas përfundimit të luftës.
