Një grup prej 31 deputetësh të Partisë Socialiste kanë dorëzuar një shkresë zyrtare pranë Kuvendit, ku propozojnë kandidaturën për Komisioner për Mbrojtjen nga Diskriminimi.
Deputetët kujtojnë se mandati i ish-komisionerit Robert Gajda ka përfunduar në prill të vitit 2023, ndërsa më pas është rihapur procesi për përzgjedhjen e kandidaturave.
Pas këtij procesi, deputetët socialistë propozojnë emrin e Genta Tafa për postin e Komisionerit për Mbrojtjen nga Diskriminimi.
Në shkresë theksohet se kandidatja plotëson të gjitha kriteret ligjore dhe vlerësohet për përvojën profesionale në fushën e ligjit, si dhe për aftësitë në ushtrimin e profesionit.
