Çmimet e karburantit në Shtetet e Bashkuara kanë shënuar rritje të fortë që nga fundi i shkurtit, periudhë kur nisi përshkallëzimi i tensioneve me Iranin.
Sipas të dhënave të publikuara nga AAA, çmimi mesatar i një galoni benzine të rregullt ka arritur në 4.45 dollarë. Vetëm gjatë javës së fundit, rritja është rreth 34 cent për gallon, ndërsa krahasuar me fundin e shkurtit, çmimi është rritur me 1.47 dollarë, ose afro 49.3%.
Sipas analizave të tregut, kjo rritje lidhet me pasiguritë në tregjet globale të energjisë pas përshkallëzimit të konfliktit. Situata në Lindjen e Mesme ka ndikuar drejtpërdrejt në frikën për furnizimet me naftë dhe stabilitetin e çmimeve.
Ekspertët e energjisë shpjegojnë se tregjet reagojnë shpejt në raste tensionesh gjeopolitike, duke sjellë rritje të menjëhershme të çmimeve për shkak të rrezikut të ndërprerjes së furnizimit nga rajonet kryesore prodhuese.
