Ish-deputeti i PD, Ervin Salianji i është përgjigjur ashpër sulmeve të Sali Berishës, gjatë bashkëbisedimit që ky i fundit pati me ndjekësit në rrjetet sociale.
Berisha u shpreh se nuk mund të kandidojnë në PD, persona që sipas tij punojnë për Ramën, teksa në përgjigje Salianji akuzon se është vetë Berisha ai që bashkëpunon, sipas tij, me Ramën.
Salianji akuzon Berishën se paguhet nga Belinda Balluku. Salianji shton se Berisha dhe njerëzit pranë tij marrin koncesione, leje, kulla, tendera, miniera e HEC-e.
“Ty Sali, të nxjerr Rama nga burgu se i duhesh, mua më fut në burg Rama se e mund, por për mjeranin e azilit të Ramës që je kthyer ti, unë që bëj burg “shitem”.
Me Ballukun ti Sali merr leje, licenca e tendera, por unë zhurmoj. O zoti fosile, Ballukun dhe Agasin nuk i bashkoi dot Rama, jo unë. I vetmi që i ke bashkuar në një formë je ti, se paguheshe nga të dy edhe nga Agasi, edhe nga Balluku. Prandaj nuk i nxjerr dot dosjet e të dyve. Publikoji të plota, frikacak.
Ti Sali për lek shet edhe shpirtin. Nuk të mjaftojnë koncesionet, lejet, kullat, tenderat, minierat, hidrocentralet, parqet, bregdeti dhe malet që po i shqyen bashkë me Ramën; dhe për të përfituar këto, nuk ke asnjë merak të legenosesh!”, shprehet Salianji ndër të tjera.
