Një plagosje me thikë ka ndodhur në qytetin bregdetar të Sarandës, pas një përleshjeje në rrugë mes dy të rinjve.
I dëmtuari është 26-vjeçari me inicialet E.D., kurse autori i dyshuar i krimit E.A., 37 vjeç, është arratisur nga vendngjarja dhe u shpall në kërkim.
Policia vendore bëri me dije se sherri ka ndodhur për motive të dobëta, por nuk dhanë detaje për dinamikën dhe shkaqet konkrete.
“U referuan materialet në Prokurori dhe u shpall në kërkim shtetasi E. A., 37 vjeç, banues në Sarandë, pasi dyshohet se ka goditur me thikë shtetasin E. D., 26 vjeç, banues në Sarandë, për motive të dobëta”, njoftoi sot (29 prill) policia.
Gjithashtu sqarohet se “26-vjeçari mori mjekim dhe është jashtë rrezikut për jetën”.
“Punohet për kapjen e 37-vjeçarit dhe për zbardhjen e rrethanave të rastit”, thuhet në njoftim.
Materialet procedurale iu referuan prokurorive kompetente, për veprime të mëtejshme.
