Dy tërmete janë regjistruar pasditen e sotme në Skiathos në Greqi, duke shkaktuar shqetësim te banorët e zonës.
Sipas të dhënave nga Observatori Kombëtar i Athinës, lëkundja e parë, me magnitudë 4.7, u shënua rreth orës 14:12, me epiqendër në pjesën perëndimore-veriperëndimore të ishullit dhe një thellësi rreth 12 kilometra.
Pak më vonë, u regjistrua një tjetër tërmet më i fortë, me magnitudë 4.9, me epiqendër rreth 8 kilometra në perëndim të Skiathos dhe thellësi mbi 14 kilometra.
Pas këtyre goditjeve kryesore, janë ndjerë edhe disa pasgoditje më të vogla, që kanë arritur deri në magnitudë 3.3.
Deri në këto momente nuk raportohen dëme materiale, ndërsa autoritetet po monitorojnë situatën. Gjatë 24 orëve të fundit, në këtë zonë janë regjistruar dhjetëra lëkundje sizmike, duke treguar një aktivitet të shtuar.
Ndërkohë, sizmologu Gerasimos Papadopoulos ka bërë thirrje për vigjilencë, duke paralajmëruar se tërmetet e mëparshme mund të kenë qenë paralajmëruese të një aktiviteti më të fortë.
