Një 43-vjeçar i akuzuar se krijoi kushte për vrasjen e dy personave është ekstraduar nga Franca drejt Shqipërisë.
Bëhet fjalë për shtetasin, Alban Skonja, pjesëtar i një grupi kriminal, i cili është kapur në Francë, në vitin 2023, në kuadër të operacionit të koduar “Sete”.
Skanja akuzohet se në bashkëpunim me shtetas të tjerë, pjesëtarë të grupit kriminal, kanë planifikuar vrasjen e 2 shtetasve, duke siguruar automjete, armë zjarri dhe apartamente me qira, por nuk kanë mundur ta realizojnë vrasjen e tyre.
Gjithashtu dyshohet se 43-vjeçari në vitin 2023, në Francë është përfshirë në një rast të marrjes së një shume parash 40 000 euro, nëpërmjet kërcënimit me armë, në kuadër të bandës së organizuar.
