Një 21-vjeçar i shpallur në kërkim është arrestuar nga policia në Lushnjë, pasi dyshohet se lëvizte i armatosur në qytet.
Në pranga është vënë shtetasi M. S., banues në këtë qytet.
Sipas Policisë, i riu ishte shpallur në kërkim që prej datës 21 mars 2026, pasi në ambientet e një lokali në lagjen “Xhevdet Nepravishta”, ku ai qëndronte me pesë persona të tjerë, u gjet dhe u sekuestrua në xhupin e tij një armë zjarri pistoletë.
Në momentin e ndërhyrjes së forcave të rendit, 21-vjeçari nuk ndodhej në vendngjarje.
Gjatë kontrollit të ushtruar më pas në banesën e tij, policia ka gjetur edhe municion luftarak.
Në kuadër të këtij rasti, më 21 mars 2026, u arrestuan edhe pesë shtetasit që ndodheshin në lokal bashkë me të riun, nën akuzën e moskallëzimit të krimit.
Materialet procedurale i janë referuar Prokurorisë së Fierit për vijimin e veprimeve të mëtejshme.
