Nga Boldnews.al
Qeveria sfidon institucionet e drejtësisë duke vendosur tarifë për hyrje-daljen në këtë tunel për të gjithë automjetet.
Pagesa në Tunelin e Llogarasë do të nisë nga 100 lekë për motoçikletat dhe maksimumi do të jetë 5 mijë lekë për mjetet e tonazhit të rëndë. Për autoveturat tarifa e kalimit do të jetë 250 lekë, ose 500 lekë vajtje-ardhje. Në fundin e këtij muaji do të nisë të vihet në zbatim tarifa e re.
Kushdo që do kalojë në Jugun e vendit, përveçse të bëjë hesapet mirë me çmimin e rritur në karburanteve do i duhet të paguajë ekstra për tunelin që vijon të marrë para të qytetarëve. Shpikësi i rrugëve me pagesë Edi Rama tashmë e ka kapërcyer sikletin e parë kur vendosi tarifë për “Rrugën e Kombit”, më pas traun e caktoi edhe në Thumanë-Kashar, ndërsa tashmë përfshin me tarifë edhe një tjetër rrugë, atë të aksin Orikum-Himarë.
Nën “justifikimin” se tarifa është nevojë për mirëmbajtjen e këtij aksi, mendësia qeveritare për të rrjepur në çdo anë vijin të ketë sukses, kjo edhe për faktin e mosreagimit, pavarësisht nismave që prekin drejtëpërsëdrejti ekonominë e pakët të qytetarëve.
Vendosja e traut në atë që tashmë njihet jo vetëm si “Tuneli u LLogarasë”, por i Ballukut, sfidon në vetvete edhe sistemin e drejtësisë e cila pasi iu refuzua kërkesa për të marrë autorizim për arrestimin e numrit dy më të rëndësishëm të qeverisë, vijon të jetë e lirë, me ndikim të theksuar dhe mbi të gjitha shihet si “aset” që për Ramën, aq sa ia ka “vlejtur” të bllokojë procesin e integrimit në BE.
