Një aksident i rëndë është regjistruar pasditen e kësaj të enjteje, 2 prill në Durrës, ku një 24-vjeçare ka humbur drejtimin e automjetit.
Aksidenti ka ndodhur në autostradën Tiranë-Durrës, ku e reja në afërsi të Urës së Dajlanit ka humbur drejtimin e mjetit dhe ka rënë në kanal.
Rënia e makinës ka qenë në një lartësi goxha të madhe, ndërsa raportohet 24-vjeçarja ndodhet në spitalin Rajonal të Durrësit jashtë rrezikut për jetën.
Ende nuk dihen shkaqet e aksidentit, ndërsa Policia ka mbërritur në vendngjarje dhe po punon për zbardhjen e rrethanave të aksidentit të rëndë.
Njoftimi:
Rreth orës 17:15, tek vendi i quajtur “Ura e Dajlanit”, automjeti me drejtuese shtetasen Xh. K., rreth 24 vjeçe, dyshohet se si pasojë e humbjes së kontrollit mbi drejtimin automjetit nga ana e 24 vjeçares, ka dalë nga rruga dhe ka rënë në kanal.
Si pasojë, 24-vjeçarja ndodhet në spital duke marrë ndihmë mjekësore, jashtë rrezikut për jetën.
Grupi hetimor në vendngjarje po punon për zbardhjen e rrethanave të aksidentit.
