Kryeministri Edi Rama tha nga takimi i Asamblesë së Njësisë nr. 7 në Tiranë se korrupsioni në Shqipëri po luftohet më shumë se kurrë dhe problemet që kanë dalë nga hetimet e drejtësisë janë të trashëguara nga qeverisja e mëparshme e PD-së e cila dorëzoi pushtetin 13 vite më parë.
Ai nuk foli për dosjet e skandaleve të zyrtarëve të qeverisë, por u shpreh se drejtësia e re është e pavarur dhe vepron e tillë fal shpatës që mazhoranca e PS i ka dhënë, por shtoi se “ajo duhet të jetë e paanshme dhe e balancuar”.
“Flasim për korrupsionin por korrupsioni sot luftohet më shumë se çfarë është luftuar në të gjithë historinë.
Sa më shumë luftohet aq më shumë dalin në pah problemet, por janë probleme të trashëguara dhe ndaj dalin në pah ato probleme.
Ndaj e kemi pavarësuar drejtësinë, që të luftohet korrupsioni. Por është e padiskutueshme që nëse kemi drejtësi që vepron e pavarur, është fal asaj që kemi bërë ne. Shpatën ia dhamë ne, por drejtësia duhet të jetë e paanshme, duhet të jetë e balancuar”, tha Rama.
