Ministri i Mbrojtjes i Izraelit, Israel Katz, ka deklaruar se komandanti i Marinës së Gardës Revolucionare Islamike të Iranit, Alireza Tangsiri, është vrarë në një operacion ushtarak izraelit.
Sipas Katz, operacioni është kryer gjatë natës dhe ka rezultuar në eliminimin e Tangsiri-t së bashku me zyrtarë të tjerë të lartë të komandës detare.
“Do të vazhdojmë të operojmë në Iran me forcë të plotë për të arritur objektivat e luftës”, u shpreh ai.
Deri më tani, autoritetet iraniane nuk kanë reaguar zyrtarisht mbi pretendimet për vrasjen e Tangsiri-t, ndërsa raportime të mëparshme nga burime izraelite kishin sugjeruar të njëjtin zhvillim.
Alireza Tangsiri konsiderohej një figurë kyçe në operacionet detare të Garda Revolucionare Islamike, veçanërisht në Ngushtica e Hormuzit.
Ai ishte bërë gjithnjë e më i dukshëm publikisht gjatë përshkallëzimit të tensioneve mes Izraeli, Irani dhe Shtetet e Bashkuara, duke luajtur rol në kufizimin e trafikut detar në këtë korridor strategjik.
