Kombëtarja shqiptare e futbollit sonte në mbrëmje do të luajë një nga ndeshjet më historike të saj, përballë Polonisë në Varshavë, duke nisur nga ora 20:45.
Kuqezinjtë synojnë të shkruajnë histori në këtë tur të Botërorit, ku çdo lojtar duhet të japë maksimumin.
Silvinjo ka pasur vetëm tre ditë për të përgatitur ekipin dhe pritet të bëjë disa surpriza në formacion, sidomos në repartin e sulmit ku mungesat janë të ndjeshme.
Në portë do të jetë sërish Strakosha, ndërsa mbrojtja me katër lojtarë përbëhet nga Mitaj në të majtë, Hysaj në të djathtë dhe dyshja Gjimshiti–Ajeti në qendër. Ismajli, megjithëse në formë të mirë, mbetet jashtë.
Mesfusha do të ketë Asllanin dhe Shehun si titullarë të sigurt, ndërsa balotazhi mes Ramadanit dhe Laçit pritet të favorizojë këtë të fundit. Në krahët e sulmit pritet të aktivizohen Uzuni në të djathtë dhe Arbër Hoxha në të majtë.
Në qendër të sulmit, Bajrami pritet të luajë si “9-sh fals”, me mundësi që gjatë lojës të zhvendoset në krah dhe Uzuni të kalojë në qendër.
Formacioni i mundshëm:
