Ministrin iranian të Inteligjencës, Esmail Khatib u vu në shënjestër nga Izraeli dhe u eliminua sipas Ministrit të Mbrojtjes së Izraelit, Israel Katz. Khatib ka mbajtur pozicionin e Ministrit të Inteligjencës që nga viti 2021.
Shënjestrimi i ministrit të inteligjencës së Iranit është një goditje e drejtpërdrejtë ndaj aparatit të sigurisë së regjimit. Khatib mbikëqyri operacionet e gjera të inteligjencës së Iranit si brenda ashtu edhe jashtë vendit, duke e bërë vdekjen e tij të mundshme një goditje të rëndësishme ndaj aftësive iraniane.
Gjatë katër dekadave të fundit, Esmail Khatib kishte qenë njeriu i preferuar i Khameneit për të kërkuar, identifikuar dhe eliminuar çdo zë kundërshtar.
Khatib ishte 19 vjeç kur kleri mori pushtetin në Iran pas revolucionit që rrëzoi dinastinë Pahlavi. Thuhet se Khatib ka studiuar jurisprudencë islame nën udhëheqjen e Khameneit.
Mohsen Rezaei, kreu i parë i IRGC-së, rekrutoi Esmail Khatib dhe e vendosi atë në Njësinë e Inteligjencës së IRGC-së, ku shërbeu nga viti 1985 deri në vitin 1991. Disa raporte tregojnë se ai luajti një rol kritik në vrasjen dhe shtypjen e disidentëve kurdë në fillim të viteve 1980. Në vitin 1991 u emërua si kreu i Departamentit Special për Lëvizjet në qytetin e Qom.
