Emanuel Ernest u bë largimi i radhës Tirana nën drejtimin e Orges Shehit, por pas vendimit që ka bërë bujë, dalin edhe detaje nga prapaskenat e largimit të tij.
Sipas burimeve, futbollisti nuk kishte dëshirë të luante në ndeshjen ndaj Elbasani. Ernest ishte i mërzitur që nuk u aktivizua si titullar në këtë takim, dhe kjo krijoi një situatë jo pozitive.
Për të shmangur një problem më të madh dhe për të ruajtur atmosferën brenda skuadrës, lojtari dhe drejtuesit e klubit vendosën që rrugët e tyre të ndaheshin në mënyrë të qetë dhe me marrëveshje të përbashkët.
Ky vendim tregon se, përtej statistikave dhe minutave të luajtura, marrëdhënia mes Ernest dhe klubit nuk funksionoi siç pritej.
