Delegacioni i Bashkimit Evropian në Shqipëri ka reaguar pas vendimit të Kuvendit për të rrëzuar kërkesën e SPAK për heqjen e imunitetit të ministres Belinda Balluku.
Në një deklaratë për Euronews Albania, BE thekson se është në dijeni të rezultatit të votimit dhe nënvizon rëndësinë e shtetit të së drejtës dhe luftës kundër korrupsionit për procesin e anëtarësimit të Shqipërisë në Union.
“Bashkimi Evropian është në dijeni të rezultatit të votimit të sotëm në Parlamentin e Shqipërisë.
Angazhimi ndaj shtetit të së drejtës dhe lufta kundër korrupsionit janë të një rëndësie thelbësore për procesin e anëtarësimit në BE.
Sigurimi i një mjedisi të përshtatshëm që SPAK të kryejë në mënyrë efektive punën e tij është thelbësor për të mbështetur në mënyrë të besueshme progresin e Shqipërisë drejt anëtarësimit në Bashkimin Evropian”, thuhet në reagimin e BE.
