Komisioni Europian ka reaguar në lidhje me zhvillimet e fundit politike, pas qëndrimit të Edi Ramës, se nuk do ta dorëzojë zëvendësen e tij, Belinda Balluku në SPAK, pas kërkesës së këtyre të fundit prej më shumë se 2 muajsh për arrestimin e saj.
Në një deklaratë të shkurtër për mediat, KE njofton se shqyrtimi i kërkesave të SPAK për heqjen e imunitetit për deputetët, apo ministrat, i takon Parlamentit të Shqipërisë.
Nuk komentojmë për çështje që janë ende në proces. I takon Parlamentit të Shqipërisë të shqyrtojë kërkesat për heqjen e imunitetit të anëtarëve të tij’, thuhet në reagimin e Komisionit Europian për Syri TV.
Me këtë reagim kuptohet se për ndërkombëtarët, tashmë loja politike e ka tejkaluar Edi Ramën dhe është në duart e kreut të Kuvendit të Shqipërisë, përsa i takon kërkesave nga drejtësia për imunitetet e deputetëve.
