Një shumë e konsiderueshme në valutë, mbi 60 mijë euro, franga, dollarë dhe paund, është sekuestruar nga Policia e Beratit gjatë një aksioni, në automjetin dhe banesën e një 67-vjeçari që u arrestua.
Burime zyrtare bënë me dije se në pranga ra një 67-vjeçar, i cili akuzohet për “pastrim të produkteve të veprës penale”, por pa dhënë detaje në lidhje me çështjen për të cilën bëhej fjalë.
“U sekuestruan 54 890 euro, 2020 paund, 1850 dollarë dhe 2850 franga, si dhe 1 automjet dhe 1 aparat celular”, thuhet në njoftimin zyrtar të policisë.
Operacioni është koduar “Produkti” dhe hetimet janë ende aktive.
