Policia ka arrestuar një 28-vjeçar të dyshuar si autor të djegies së një automjeti në Tiranë, ngjarje e ndodhur në orët e para të mëngjesit të 6 marsit.
Sipas njoftimit të policisë, rreth orës 02:00 në rrugën Rruga “Theodhori Bej” është përfshirë nga flakët një automjet tip “Peugeot”, në pronësi të shtetases M. T., 26 vjeçe.
Pas hetimeve, policia bëri të mundur identifikimin dhe arrestimin e shtetasit L. H., 28 vjeç, banues në Tiranë.
Nga hetimet paraprake dyshohet se i riu i ka vënë zjarrin automjetit për motive të dobëta, pas një konflikti të mëparshëm me një familjar të 26-vjeçares.
Materialet procedurale i janë referuar Prokuroria e Tiranës për veprime të mëtejshme.
