Gjykata e Posaçme ka shtyrë këtë javë një sërë seancash gjyqësore për shkak të mungesës së gjyqtares Engjëllushe Tahiri.
Sipas raportimeve në media, Tahiri ndodhet prej disa ditësh në Dubai, ku është bllokuar për shkak të pezullimit të fluturimeve nga lufta në Lindjen e Mesme.
Mësohet se si pasojë GJKKO ka shtyrë 3 seanca gjyqësore, mes tyre edhe ajo e ‘Plumbit të Artë’.
Anëtari i trupës gjykuese Besmir Stroka tha se seanca radhës për Plumbin e Artë do të mbahet në datë 10 mars ora 10:00.
