Ministria për Evropën dhe Punët e Jashtme ka reaguar mbi sulmin me raketë balistike nga Irani në hapësirën ajrore të Turqisë.
Ministria e Jashtme nënvizon se Shqipëria qëndron në solidaritet të plotë me Turqinë.
MEPJ shkruan se sulmet e papërgjegjshme të Iranit rrezikojnë të destabilizojnë më tej rajonin.
Reagim i Ministrisë për Evropën dhe Punët e Jashtme;
Shqipëria qëndron në solidaritet të plotë me Turqinë, Aleati ynë në NATO dhe partner strategjik.
I mirëpritur reagimi i menjëhershëm i kapaciteteve të mbrojtjes ajrore dhe kundër-raketore të NATO-s, të cilat neutralizuan raketën balistike dhe mbrojtën popullsinë civile, si dhe territorin e Aleancës.
Sulmet e papërgjegjshme të Iranit rrezikojnë të destabilizojnë më tej rajonin. Një mbrojtje e fortë dhe aftësitë parandaluese mbeten thelbësore për sigurinë kolektive të NATO-s.
