Nënkryetari i Këshillit të Sigurisë së Rusisë, Dmitry Medvedev, ka reaguar ashpër pas sulmeve të ndërmarra nga Shtetet e Bashkuara dhe Izrael ndaj Iranit.
Në një deklaratë publike, Medvedev kritikoi presidentin amerikan Donald Trump, duke e cilësuar ofensivën si një dëshmi se negociatat e zhvilluara më herët me Teheranin nuk kishin qenë reale.
“Paqebërësi e tregoi edhe një herë fytyrën e tij. Të gjitha negociatat me Iranin ishin thjesht shpërqendrim. Askush nuk kishte dyshime për këtë. Askush nuk donte të negocionte asgjë në të vërtetë,” u shpreh Medvedev.
Ai shtoi se përplasja aktuale do të varet nga qëndrueshmëria e palëve në kohë, duke bërë edhe një krahasim historik mes SHBA-së dhe Perandorisë Persiane.
“SHBA-të janë vetëm 249 vjeç. Perandoria Persiane u themelua më shumë se 2,500 vjet më parë. Le të shohim çfarë do të ndodhë 100 vite nga tani,” deklaroi ai.
