Irani ka goditur me raketa bazën e Flotës së 5-të të Marinës së Shtetet e Bashkuara në Manama, si kundërpërgjigje ndaj sulmeve të përbashkëta SHBA–Izrael të ndërmarra më herët gjatë ditës.
Lajmi është konfirmuar nga autoritetet e Bahreinit përmes një deklarate të shpërndarë nga Agjencia Kombëtare e Lajmeve. Qendra Kombëtare e Komunikimit bëri të ditur se qendra e shërbimeve e Flotës së 5-të ka qenë objekt i një sulmi me raketë, ndërsa detaje të tjera pritet të jepen në vijim.
Ministria e Brendshme e Bahreinit njoftoi më herët aktivizimin e sirenave të emergjencës në disa zona, duke u bërë thirrje qytetarëve të qëndrojnë të qetë dhe të strehohen në vende të sigurta.
Bahreini është selia e Flotës së 5-të amerikane, e cila mbulon operacionet detare në Gjirin Persik, Detin e Kuq, Detin Arabik dhe pjesë të Oqeanit Indian, çka e bën sulmin një zhvillim me rëndësi të lartë strategjike.
Deri tani nuk ka pasur një reagim zyrtar nga ushtria amerikane. Megjithatë, ambasada e SHBA-së në Bahrein kishte paralajmëruar më parë qytetarët amerikanë të qëndronin në vendbanimet e tyre për shkak të kërcënimeve të raportuara me raketa dhe dronë mbi territorin e vendit.
