Pas kërkesave të SPAK, vendimit të Gjykatës Kushtetuese, presionit ndërkombëtar, Edi Rama ka bërë disa ndryshime në kabinetin qeveritar, këtë të enjte.
Pas shkarkimit të Belinda Balluku, e cila nuk do jetë më zëvendës kryeministre dhe ministre e Infrastrukturës dhe Energjisë, mësohet se vendin e saj do e mbajë Albana Koçiu. Vendin e Koçiut do ta mbajë tashmë Besfort Lamallari.
Elisa Spiropali është larguar nga Ministria për Evropën dhe Punët e Jashtme dhe në vend të saj është vendosur Ferit Hoxha, ndërsa Erjona Ismaili merr detyrën e ministres për Marrëdhëniet me Parlamentin.
Gjithashtu dhe Piro Vengu është larguar nga detyra si Ministër i Mbrojtjes dhe postin e tij do e marrë Ermal Nufi.
Ndërkohë Toni Gogu do të spostohet në krye të Ministrisë së Drejtësisë.
Ndryshimet në qeveri
Zv.kryeministre, Albana Koçiu– shkarkohet Belinda Balluku
Ministër i Brendshëm, Besfort Lamallari– zëvendëson Albana Koçiun
Ministër Drejtësie, Toni Gogu– zëvendëson Besfort Lamallarin
Ministër Energjitke, Enea Karakaçi– shkarkohet Belinda Balluku
Ministër i Mbrojtjes, Ermal Nufi– shkarkohet Pirro Vengu
Ministër për Marrëdhënien me Parlamentin, Erjona Ismaili– zëvendëson Toni Gogun
Ministër i Jashtëm, Ferit Hoxha – Shkarkohet Elisa Spiropali
