Zv.kryeminstrja dhe ministrja e pezulluar e Infrastrukturës, Belinda Balluku nuk po merr pjesë në mbledhjen e grupit parlamentar të Partisë Socialiste, ku do të vendoset nëse do t’i jepet autorizim SPAK për ta arrestuar apo jo.
Mbledhja ka nisur me një fjalim të kryeministrit Edi Rama i cili, si një avokat i zellshëm për vartësen e tij e cila ka firmosur disa nga aferat më të mëdha, është ankuar për fletë-arrestet masive të prokurorëve, kontrollet për natën e vitit të ri dhe për vendimin e gjykatësve për ta pezulluar nga detyra Ballukun.
Kujtojmë se që pas marrjes të pandehur, Belinda Balluku ka folur vetëm një herë në parlament duke mos dhënë një alibi për akuzën që SPAK ka ngritur për shkelje të barazisë në tendera. Në raportimin e fundit në Këshillin e Mandateve, prokurorët e SPAK thanë se Balluku rrezikon 35 vjet burg në total, nëse provohen të gjitha akuzat ndaj saj.
