Avokati Elton Laska, ka komentuar zhvillimet më të fundit politike në vend, teksa është ndalur te bashkimi i opozitës.
Në një postim në rrjete sociale, Laska shkruan se bashkimi i opozitës mbetet vetëm mbi parime, ndërsa sipas tij, deri më tani nuk ka asnjë rezultat konkret.
Sipas avokatit Partia Demokratike duhet me vepra të dëshmoj se është në luftë politike të vërtet me pushtetin autokratik të Edi Ramës dhe për këtë sipas tij, duhen protesta të pandalshme.
“Të gjithë jemi dëshmitar se Republika jonë është sot në këtë gjendje të mjerueshme sa i takon standardeve politike dhe shpartallimit të çdo koncepti të garës si rezultat i ndryshimeve Kushtetuese të vitit 2008 dhe ligjeve zgjedhore të miratuara nga bashkëpunimi i Edi Ramës me Sali Berishën.
Ky bashkëpunim vazhdoi dhe në muajin Korrik 2024 kur sërish Partia Demokratike bashkoj votat me Edi Ramën dhe i dha atij në tavolinë 9 deputet më shumë se numri votave që formalisht mori në zgjedhjet e 11 Maj 2025.
Tashmë Partia Demokratike duhet me vepra të dëshmoj se është në luftë politike të vërtet me pushtetin autokratik të Edi Ramës”,– shkruan Laskaj ndër të tjera.
Reagimi i plotë:
Në lidhje me Forumin Politik të drejtuar nga z. Ermal Hasimja mbi procesin e dialogut dhe përpjekjet për ndërtimin e një tryeze bashkëpunimi mes forcave opozitare, vlerësoj se është e rëndësishme që opinioni publik të ketë një panoramë sa më të qartë.
Ndaj, në cilësinë e drejtuesit të negociatave në emër të Lëvizjes Shqipëria Bëhet i mandatuar nga kryesia, saktësoj se:
Të gjithë jemi dëshmitar se Republika jonë është sot në këtë gjendje të mjerueshme sa i takon standardeve politike dhe shpartallimit të çdo koncepti të garës si rezultat i ndryshimeve Kushtetuese të vitit 2008 dhe ligjeve zgjedhore të miratuara nga bashkëpunimi i Edi Ramës me Sali Berishën.
Ky bashkëpunim vazhdoi dhe në muajin Korrik 2024 kur sërish Partia Demokratike bashkoj votat me Edi Ramën dhe i dha atij në tavolinë 9 deputet më shumë se numri votave që formalisht mori në zgjedhjet e 11 Maj 2025.
Tashmë Partia Demokratike duhet me vepra të dëshmoj se është në luftë politike të vërtet me pushtetin autokratik të Edi Ramës.
Në gjykimin tonë fronti i gjerë qytetar në opozitë kalon nga sinqeriteti dhe dëshmia me prova, konkretisht e kemi kushtëzuar çdo bisedim dhe angazhim me këto kushte:
- Krijimi i një komiteti qytetar per qeverinë tranzitore, i cili të ketë objektiv krijimin e një qeverie tranzitore të përbërë nga personalitete të respektuara me mandat të kufizuar 12 mujor dhe kompetenca të përcaktuara qartë, e cila garanton ndarjen e pushtetit nga interesat e partisë – shtet dhe administrimin e ndershëm të procesit zgjedhor.
- Vendosjen e të gjitha grupeve të interesit në sheshin përballë Kryeministrisë në protestë 24 orë në 24 pa ndalim dhe Organizimin e protestave masive kombëtare me qëllim Dorëheqjen e Edi Ramës.
- Reformë zgjedhore gjithëpërfshirëse, me lista të hapura, bazuar në sistemin proporcional kombëtar, me lejimin e koalicioneve parazgjedhore, si garanci për përfaqësim real, barazi vote dhe konkurrencë të ndershme politike.
- Pjesëmarrja në tryezën e dialogut te përfaqësive politike dhe partiake pa kryetarë, për të shmangur personalizimin e procesit dhe për t’i dhënë përparësi përfaqësimit, ideve dhe vullnetit qytetar.
- Zhvillimin e dialogut në një tryezë të përbashkët në *shesh* , si simbol i transparencës, hapjes dhe sovranitetit të qytetarëve mbi procesin politik.
- Pasurimin e grupit negociator me emra të spikatur të shoqërisë civile.
Në këtë kuptim, ne po e vazhdojmë qëndresën tonë në shesh si e vetmja mënyrë për ta detyruar qeverinë që të japi dorëheqjen. Ne po i presim në shesh të gjitha forcat opozitare, shoqërinë civile, socialistët e pakënaqur dhe çdo shqiptar që beson se Shqipëria vlen më shumë se partia.
Aktet janë ato që dëshmojnë seriozitetin e atyre që thuhen.
