Tedi Blushi, është përplasur me deputetin socialist Erion Braçe në Komisionin e Ekonomisë, lidhur me premtimin për uljen e TVSH-së për produktet e shportës ushqimore.
Gjatë diskutimeve, Blushi i kërkoi mazhorancës që të kërkojë ndjesë publike qytetarëve dhe pensionistëve për, sipas tij, një premtim të pambajtur që prej vitit 2013.
Ai theksoi se ulja e TVSH-së nga 20% në 5% për produktet bazë ka qenë një zotim i bërë nga Partia Socialiste, por që nuk është realizuar edhe pas më shumë se një dekade në pushtet.
“Ulja e TVSH-së ka qenë një premtim i drejtpërdrejtë i PS-së, i ripërsëritur edhe nga nënkryetari i komisionit, por që nuk është realizuar as pas 13 vitesh në pushtet.
Ne propozojmë uljen e TVSH-së nga 20% në 5% për produktet bazë nuk është vetëm një masë ekonomike, por një akt social dhe moral në funksion të lehtësimit të kostos së jetesës për shumicën e shqiptarëve, veçanërisht për pensionistët dhe familjet në nevojë”, tha ai.
