Një dëshmitar okular ka rrëfyer momentet e para pas incidentit të rëndë në zonën e Kallitheas, ku një 2-vjeçare me origjinë shqiptare u gjet pa ndjenja në një shatërvan.
Duke folur për emisionin “Kalimera Ellada”, ai tregoi se gjithçka ndodhi brenda pak minutash.
“Rastësisht po kaloja nga zona, pasi jetoj këtu. Në fillim nuk pashë askënd. Kur u ktheva, të gjithë ishin mbledhur. Kuzhinieri i një kafeneje po përpiqej ta sillte në jetë. Dëgjoheshin britmat e prindërve dhe fëmijëve”, u shpreh ai.
Sipas dëshmitarit, një grua telefonoi menjëherë shërbimin e urgjencës, ndërsa një patrullë policie që kalonte aty pranë u ndal për të dhënë ndihmë.
Ai përshkroi një situatë paniku dhe përpjekjesh të vazhdueshme për rreth 40 minuta për ta rikthyer fëmijën në jetë, deri në momentin kur ajo u transportua me urgjencë drejt spitalit.
