SPAK ka mbyllur parashtrimet në gjyqin paraprak ndaj Ilir Metës, Monika Kryemadhit dhe tre personave të tjerë të pandehur në të njëjtën çështje.
Prokurori i çështjes, Sotir Kllapika kërkuar dërgimin për gjykim të pesë të pandehurve, duke argumentuar se nga hetimet janë administruar prova të mjaftueshme që justifikojnë kalimin e çështjes në gjykim në themel.
Big Brother në versionin e SPAK, e ka cilësuar paraqitjen e sotme në SPAK, Monika Kryemadhi. Në një deklaratë për mediat pas daljes nga SPAK, Kryemadhi u shpreh se i vetmi qëllim ka qenë të shtohet volumi i faqeve, shumica e të cilave sipas saj nuk përbëjnë prova.
“Mbaroi prokurori relacionin. Me thënë të drejtën, kishte përsëritje të të njëjtave gjërave. I vetmi qëllim ka qenë të shtohet volumi i faqeve. Më në fund na u dorëzua lista e provave. Lista e provave është prej 40 e ca faqesh. Pjesë e tyre janë intervista, shkrime gazete. Edhe në kohën e diktaturës, intervistat e gazetave nuk quheshin prova. Thirrej intervistuesi dhe i merrej dëshmia në formën e provës”.
