OSHEE ka njoftuar se disa zona të Durrësit dhe Kurbinit do të përballen me ndërprerje të përkohshme të energjisë elektrike ditën e mërkurë, më 5 shkurt, për shkak të punimeve që do të kryhen nga Operatori i Sistemit të Transmetimit (OST).
Sipas njoftimit zyrtar, stakimi i energjisë do të zgjasë nga ora 08:00 deri në orën 16:00 dhe lidhet me punimet për ndërtimin e linjës së re 110 kV “Gjiri i Lalzit – Fushë Kuqe”, e cila synon përmirësimin e sigurisë dhe cilësisë së furnizimit me energji elektrike në zonë.
Në qarkun e Durrësit, pa energji do të mbetet zona e Ujësjellësit të Durrësit, ndërsa në qarkun e Kurbinit ndërprerja do të prekë zonat Gurrëz, Fushë Kuqe, Adriatik dhe Patok.
Autoritetet u bëjnë thirrje qytetarëve dhe subjekteve private në këto zona që të marrin masa paraprake, në mënyrë që të shmangen problematikat gjatë orëve të ndërprerjes së energjisë.
