Nga Boldnews.al
Kudo që vendosin këmbën mbetet gjurmë aferash, ndërsa mbyllin sytë dhe hapin xhepat në çmenduri që shkojnë tej çdo imagjinate, edhe kur bëhet fjalë për mbetje helmuese. Plot 102 kontejnerë gjenden në zonën e Porto Romanos prej shtatorit të vitit 2024 dhe së fundmi u vërtetua se ishin me mbetje toksike të rrezikshme. Autoritetet shtetërore i kaluan pa asnjë problem, ndërsa politika u mundua të fshehë këtë aferë të frikshme që shkon drejt e në shëndetin e njerëzve.
Pas një viti e gjysmë hetim me zvarritje të pajustifikueshme, Prokuroria e Durrësit lëshoi 33 urdhër-arresti, mes të cilëve edhe shtatë zyrtarë shtetëorë. Ajo që bie në sy është masa arrest shtëpie për Arta Dollanin ish-drejtore e Agjensicë Kombëtare të Mjedisit dhe Kledina Skëndo, shefe se sektorit të monitorimit të lejeve mjedisore po në AKM. Po ashtu edhe pesë zyrtarë portual dhe doganor janë në masa sigurie.
Dollani është një emër i njohur e cila që nga viti 2014 qëndron në poste të rëndësishme drejtuese dhe njihet si e preferuara e ministres më jetëgjatë të Ramës, Mirela Kumbaro. E katapultuara nga një nëpunëse e thjesht në majën e sektorëve të rëndësishëm siç është edhe trashëgimia Kulturore, firma e Dollanit shfaqet në çdo rrënim të trashëgimisë kulturore, duke varrosur historinë pas marrosjes së ndërtimeve të pushtetit të sotëm.
Kjo drejtore e pësoi, por ministja Mirela Kumbaro në kohën e skandalit ishte Ministre e Mjedisit, duke qenë drejtëpërdrejtë përgjëgjëse për kontrollin, verifikimin dhe masat që duhet të merrte për ndalimin e eksportit të mbetjeve të rrezikshme, të dala nga furrat e Kurumit në Elbasan.
Për ministren që edhe betonizimin në zonat e mbrojtura në Butrint I quante “pikë e vockël”, edhe ky rast për të dhe pushtetin konsiderohet i vogël para aferës së rëndë mjedisore.
Deri tek ministrja prokuroria nuk pati “gjunjë” të shkonte, por gjithsesi në zyrën e kanakares së saj mbërriti. Dollani shkonte në çdo ministri që shkelte Kumbaro, duke e vendosur në krye të Agjencisë Kombëtare të Mjedisit, kohë kur afera me mbetjet toksike në Durrës ndodhi dhe sot iu komunikua masa e “arrestit në shtëpi” ndërsa ndodhej në zyrën Drejtores së Arsimit Parauniversitar, po në ministrinë e drejtuar nga kumbarja e saj”, Mirelë.
Nëpunës të tillë ka me shumicë kudo në administratë, por batërdia dhe kamikazllëku deri në qarkullimin e tonelatave me mbetje toksike rëndon shumë. Pushteti na ka lënë një peshqesh të frikshëm që nuk dihet se kur do marrë fund.
Janë 102 kontejnerë që gjenden jo më parg se 300 metra nga qindar banesa në Sektorin Rinia në Shën Avlash. Për asgjësimin e tyre do të duhen miliona auro dhe deri në atë kohë helmi do vijojë të shpërndahet, pavarësisht se ministrja Kumbaro mund ta quajë si “kjo pikë e vockël”…!
