Mbrëmjen e sotme, në autostradën Durrës–Tiranë është regjistruar trafik i rënduar, me radhë kilometrike automjetesh.
Për shkak të fluksit të lartë, një pjesë e automjeteve kanë devijuar në rrugët dytësore, por edhe aty trafiku paraqitet i rënduar.
Pavarësisht shqetësimeve të shpeshta të qytetarëve për trafikun në këtë aks, ankesat e tyre nuk kanë gjetur zgjidhje.
Nderkohë zgjerimi i autostradës Tiranë–Durrës është një nga projektet më të rëndësishme infrastrukturore në vend, me kosto 218 mln euro.
Prentimet e Belinda Ballukut për hapjen e 6 km të para në dhjetor 2025 nuk u realizuan, ndërsa qytetarëve vijon tju vështirësohet jeta në trafik.
