Vendimi i opozitës për të bojkotuar komisionet parlamentare ka shkaktuar përçarje brenda grupit të Partisë Demokratike.
Në mbledhjen me dyer të mbyllura, disa deputetë kanë kundërshtuar qëndrimin e shpallur nga Sali Berisha, duke kërkuar pjesëmarrje në procesin e reformave.
Sipas burimeve, Bledjon Nallbati, Xhelal Mziu, Oerd Bylykbashi, Ina Zhupa, Tritan Shehu dhe Arjan Ndoja kanë shprehur hapur se opozita duhet të marrë pjesë në komisione, duke argumentuar se reformat nuk mund të lihen vetëm në dorë të mazhorancës.
Përballë kundërshtive, Berisha ka deklaruar se vendimi final do të merret nga kryesia e Partisë Demokratike, duke lënë të hapur mundësinë e një rishikimi të qëndrimit.
Afati i fundit për pjesëmarrjen e opozitës në komisione ka përfunduar sot. Pas bojkotit, të martën në seancën plenare pritet të diskutohet kërkesa e grupit parlamentar socialist për ndryshimin e përbërjes së komisionit dhe heqjen e paritetit të opozitës në drejtim.
