Agjencia e Mbikëqyrjes Policore ka nisur hetimet në lidhje me shoqërimin e 14-vjeçarit në komisariat, gjatë protestës së 24 janarit, të zhvilluar nga Partia Demokratike, para Kryeministrisë.
Burime bëjnë me dije AMP dhe Prokuroria do të verifikojnë mënyrën se si tre agjent të policisë të maskuar vepruan për rastin në fjalë.
Sipas policisë, i mituri R.K po gjuante me gur punonjësit e policisë para parlamentit, por i mituri është shprehur nga ana tjetër se nuk po bënte asnjë veprim, për më tepër ai shton se ndaj tij është ushtruar dhunë.
PD është shprehur gjithashtu se protestuesit janë dhunuar nga punonjës policie si me uniformë, ashtu dhe nga ato civilë.
Disa prej tyre shkuan në spital pasi u goditën, ndërsa të tjerët kishin probleme me frymëmarrjen si pasojë e gazit të hedhur.
Për protestën e 24 janarit u ndaluan 19 protestues, por gjykata e Tiranës vendosi një ditë më parë lirimin e tyre nga qeli
