Kreu i Partisë Demokratike, Sali Berisha, zhvilloi ditën e sotme një takim me të rinjtë e Forumit Rinor të PD-së.
Gjatë takimit, Glauk Olldashi, djali i të ndjerit, Sokol Olldashi disa shqetësime lidhur me mënyrën e organizimit të foltoreve, duke theksuar se ato kanë nevojë për përmirësim në përmbajtje dhe përfaqësim.
Sipas tij, personat që marrin fjalën duhet të jenë më të përgatitur dhe të përfaqësojnë denjësisht Partinë Demokratike.
“Para se të jap një sugjerim të vogël, doktor unë mendoj se partia jonë ka shumë probleme. Mendoj që shumë mirë të bënim një takim pa kamera, me dyer të mbyllura, midis forumit dhe jush, sepse jam me parimin që problemet e shtëpisë fliten brenda saj dhe nuk fliten në sytë e botës. Gjithsesi po prek një problem që është shumë evident e po jap një sugjerim timin që ndoshta mund t’iu pëlqejë ose jo. Çdo të hënë bëjmë Foltoret para Kryeministrisë që të themi të drejtën, pjesëmarrja nuk është shumë e kënaqshme
Problemi nuk është te mos pasja e mundësisë, apo pasja e frikës siç thotë dikush, që nuk vijnë njerëzit. Njerëzit nuk duan të vijnë të hënave, kur bëjmë protesta kombëtare, sheshi mbushet plot, problemi qëndron te Foltorja. Mendimi im është që shumë nga folësit që dalin aty nuk janë të denjë për të na përfaqësuar. Në momentin që dikush merr atë foltore, nuk përfaqëson më veten e tij, por përfaqëson të gjithë demokratët. Nuk di kush i zgjedh, por folësit që dalin aty po bëjnë faj ndaj nesh, jo thjesht gabim, njerëz që flasin kuturu, disa edhe tapë, na dëmton të gjithëve sidomos ne të rinjve. Dëmtimi i imazhit të PD në publik na dëmton më shumë ne së ju doktor.
Çdo të hënë të bëjmë një foltore specifike, pra, një të hënë për arsimin, një për mjekësinë, bujqësinë, naftëtarët. Problemet në Shqipëri janë pa fund. Na duhen ekspertë që kur njerëzit të na ndjekin të hënën të na dëgjojnë me vëmendje e të mos shohin fytyra që na bëjmë të qeshim”, tha ai.
