Një video e publikuar së fundmi në rrjetet sociale nga bashkëshortja e Mirit ka tërhequr vëmendje të madhe të ndjekësve të Big Brother VIP Albania.
Në videon e postuar në TikTok, ajo rendit banorët e shtëpisë sipas preferencave të saj personale.
Në këtë klasifikim, Miri renditet në vendin e parë, çka ajo e shpjegon hapur si një zgjedhje të natyrshme. Vendin e dytë ia jep Stelinës, për të cilën shprehet se i pëlqen loja dhe qëndrimi i saj në shtëpi.
Surpriza vjen me Selin, e cila renditet në vendin e tretë. Ky pozicion është interpretuar nga ndjekësit si një vlerësim pozitiv, sidomos duke pasur parasysh diskutimet e shumta që kanë qarkulluar kohët e fundit për raportin mes Mirit dhe Selin brenda shtëpisë.
