Moti i keq me reshje dëbore, ka shkaktuar problematika në Qarkun e Gjirokastrës, ku disa nga akset rrugore në zonat malore janë bllokuar.
Sipas strukturave të emergjencave civile në Bashkinë Libohovë, në Njësinë Administrative Zagori aksi rrugor Çajup – Zhej është i bllokuar për shkak të borës. Në Bashkinë Përmet, në aksin rrugor për në Njësinë Administrative Frashër gjithashtu është vështirësuar qarkullimi dhe rekomandohet vetëm kalimi me zinxhirrë.
Ndërsa në Bashkinë Tepelenë, vështirësi janë raportuar në aksin rrugor Salari-Nivicë, si dhe në rrugën e fshatit Sheper.
