Një 43-vjeçar është arrestuar nga Policia në Durrës, pasi është kapur duke drejtuar mjetin në gjendje të dehur.
Sipas Policisë, 43-vjeçari, është ndaluar për kontroll në rrugën “Vllazërimi”. Nga kryerja e testit të alkoolit rezultoi se ky shtetas drejtonte automjetin në gjendje të dehur, në masën 0.92 mg/l.
“Në përfundim të veprimeve të kryera, u bë arrestimi në flagrancë i shtetasit Xh. S., 43 vjeç, banues në Durrës, për veprat penale “Korrupsioni aktiv i personave që ushtrojnë funksione publike” dhe “Drejtimi i automjetit në mënyrë të parregullt””,- thuhet në njoftimin e Policisë.
Materialet hetimore iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
