Një bombul gazi ka shpërthyer pranë shkallëve të Kuzum Babasë, në lagjen Varosh të qytetit të Vlorës.
Sipas dyshimeve paraprake, disa banorë i kanë vënë flakën ferrave në zonë, çka ka shkaktuar shpërthimin e bombulës së gazit.
Nga shpërthimi nuk raportohet për persona të lënduar, ndërsa ngjarja ka shkaktuar panik te banorët e zonës.
Rrethanat e plota të incidentit pritet të sqarohen nga autoritetet përkatëse.
