Kryetari i Partisë Demokratike, Sali Berisha ka denoncuar këtë të hënë projektin “Smart City”.
Në një konferencë për shtyp, Berisha thotë se përmes këtij projekti qeveria, do të kontrollojë çdo lëvizje të qytetarëve.
Sipas ti, sistemi do t’i monitorojë ato në çdo lëvizje që bëjnë, dhe se të dhënat e tyre private, do të bëhen shtetërore.
“Denoncoj përsëri projektin Smart City, qyteti i mençur. Së pari, si projekt ky synon survejimin e plotë të lëvizjeve të çdo qytetari. Nëse një vit më parë u vendosën në të gjitha kompanitë të telefonave aparatura të regjistrimit të plotë të internetit e telefonae të qytetarëve në pretekstin e ndërprerjes së TikTok, tani me Smart City, Edi Rama kompleton survejimin më të paligjshëm dhe total të qytetarëve shqiptare, të cdo lëvizjeje të tyre. Ky përbën asgjësimin e plotë të privatësisë së tyre pasi ky sistem regjistron jo vetëm individin por dhe fytyrën me të gjithë emotivitetin e saj. Lëvizjet e tij në cdo destinacion, vizitat e tij. Kjo është vendosja e qytetarëve shqiptarë në kontroll të plotë”, tha Berisha.
