Ministrja për Europën dhe Punët e Jashtme, Elisa Spiropali, vërtetoi sërish sot se e meriton mbështetjen e liderit të saj pasi nuk e zhgënjeu as kësaj here duke i mbajtur krah në delirin e tij të madhështisë.
Spiropali po zhvillon një konferencë për shtyp me fokus ftesën e Presidentit amerikan Donald Trump, drejtuar Kryeministrit të vendit për t’ju bashkuar “Bordit të Paqes”, Organizatës së re Ndërkombëtare të ideuar nga Presidenti i SHBA-ve.
Edhe pasi u zbulua se kanë mashtruar shqiptarët, Spiropali vijon gënjeshtrat për liderin e saj dhe shprehet se ftesa është vlerësim i drejtpërdrejtë i Trump për Ramën që është ftuar personalisht.
“Ftesa është një vlerësim i lartë për rolin e Shqipërisë në paqe dhe stabilitet. Vlerësim i drejtpërdrejtë i Trump për Ramës që është ftuar personalisht. Por fatkeqësisht edhe kjo është përballur me një lum reagimet në mexhelisin mediatik.
As në Argjentinë apo Turqi nuk ka pasur debat mbi madhësinë e numrit të anëtarëve në Bord, madje është pranuar me falënderim. Nëse për këto vende me peshë të madhe gjeopolitike kjo është pozitive, për ne është e jashtëzakonshme, me përmasë e peshë historike”, tha ajo.
Si për ironi të fatit, vetëm pak pasi Spiropali bëri këtë deklaratë, në media u raportua se Presidenti rus Vladimir Putin ka marrë një ftesë për t’u bashkuar me Bordin e Paqes në Gaza. Lajmi u bë i ditur nga zëdhënësi i Kremlinit Dmitry Peskov.
LEXO EDHE:
Pas Ramës, edhe kryetari komunist i Vietnamit, To Lam, pranon ftesën e Trump për “Bordin e Paqes”
