Kreu i Partisë Demokratike, Sali Berisha, ka mbledhur pasditen e kësaj të premte, kryetarët e degëve të PD-së në të gjithë vendin, në përgatitje të protestës kombëtare të thirrur për 24 janarin.
Në fjalën e tij para drejtuesve të degëve, Berisha e konsideroi këtë vit si “vitin e sfidës më të madhe dhe përcaktues për të ardhmen e Shqipërisë”.
Sipas Berishës, qeverisja e Ramës ka krijuar një propagandë që kontrollon mbi 90% të mediave, duke mbrojtur krimin dhe vjedhjen, ndërsa ka lobuar me dhjetëra miliona euro në arenën ndërkombëtare për të mbuluar aktivitetet e tij kriminale.
Ai shtoi se qeveria kontrollon çdo qelizë të shtetit përmes lidhjeve me krimin dhe drogën, duke qenë një armik i pluralizmit.
