Një tornado e fuqishme ka goditur zonën e Ilia-s në Greqi, duke shkaktuar dëme të mëdha dhe skena dramatike të cilat janë regjistruar nga kamera sigurie.
Në videon që po qarkullon gjerësisht në rrjet, shihet momenti kur vorbulla e ajrit kap një automjet në mes të rrugës, e ngre në ajër dhe e përmbys me forcë, duke e shkatërruar plotësisht.
Pavarësisht pamjeve tronditëse, raportohet se shoferi ka shpëtuar pa lëndime, një fat që vendasit e kanë cilësuar si “mrekulli”.
Tornadoja goditi zonën brenda pak minutash, por intensiteti i saj ishte i mjaftueshëm për të shkaktuar dëme të shumta.
Raportohet se era ka shkulur hekur të serave, ka shpërndarë materiale në distancë dhe ka dëmtuar biznese e banesa.
Fenomeni ekstreme zgjati pak, por u mjaftua të lërë pas kaos dhe frikë tek banorët e zonës, të cilët tregojnë se gjithçka ka ndodhur papritur dhe pa paralajmërim.
Autoritetet lokale janë në terren për të vlerësuar dëmet, ndërsa fatmirësisht nuk raportohet për viktima apo të plagosur.
