Nga Avokat Arenc Berati
Si avokat, nuk mund të hesht para farsës që u servir si drejtësi në rastin e Elbasanit.
Një koleg i yni u arrestua vetëm pse guxoi të fliste, të. kundërshtonte dhe të kërkonte prova – pra të bënte pikërisht detyrën që Kushtetuta ia ngarkon avokatit.
Prokurori shkel etikën dhe kërcënon me arrestim në sallën e gjyqit. Kërcënimi kthehet në veprim. Avokati prangoset.
Dhe çfarë bën Inspektori i Lartë i Drejtësisë?
E mbyll rastin me justifikimin absurd:
“mungesë përvoje”, “sjellje e izoluar”, “pa pasoja”.
Pa pasoja?!
Kolegu ynë u mbajt 40 orë i privuar nga liria, ndërsa përgjegjësi real nuk u gjet askund.
ILD-ja u krijua për të garantuar standarde, për të frenuar abuzimet e pushtetit procedurial dhe për të mbrojtur integritetin e profesionit tonë – jo për të shfajësuar prokurorët dhe për të arkivuar heshtjen.
Sot ishte Ulian Bajrami.
Nesër mund të jemi unë, ti, apo cilido prej nesh.
Drejtësia nuk mund të funksionojë kur avokati trajtohet si armik, ndërsa abuzimi shpallet “incident i vogël”.
Nëse ILD nuk mbron lirinë e mbrojtjes, pavarësinë e sallës dhe dinjitetin e profesionit tonë, atëherë ajo nuk po dështojnë individët — po dështon institucioni.
Avokatët nuk do heshtin.
Sepse heshtja sot është prangat e nesërme.
