Tre persona të bllokuar në një fuoristradë në zonën malore të Gramshit nuk kanë dhënë asnjë shenjë kontakti prej orësh, pasi automjeti i tyre mbeti i ngujuar nga dëbora në aksin Kukur–Rovje.
Trashësia e dëborës në këtë segment arrin mbi 60 centimetra, duke e bërë rrugën të pakalueshme.
Të bllokuarit, banorë të zonës që po ktheheshin nga puna, drejtuan thirrje për ndihmë para se kontakti të ndërpritej.
Banorë të fshatit janë nisur në këmbë në terren për t’i gjetur.
