Reshjet e dendura kanë rritur ndjeshëm prurjet e ujit në zonën e Mifolit, duke bërë që niveli të kalojë mbi urën e vjetër. Për pasojë, lëvizja mbi urë është ndaluar.
Situata nga moti i keq mbetet e rënduar në disa fshatra përgjatë lumit, ku rrugë dhe banesa janë nën ujë. Në zonat më të prekura – Ferras, Novoselë dhe Katund i Ri – po vijon largimi i banorëve për shkak të rrezikut nga përmbytjet.
Përmbytjet pritet të zgjerohen nëse reshjet intensive vazhdojnë gjatë orëve në vijim.
