Drejtuesi politik i PL-së për Qarkun e Beratit, Lefter Maliqi, ka reaguar në lidhje me përmbytjet e shkaktuara nga moti i keq që pushtoi vendin ditët e fundit.
Në një postim në rrjete sociale, Maliqi ka ndarë foto nga zona Tapi-Kuçovë e cila është përmbytur nga shirat, teksa shkruan se kjo është hera e dytë brenda muajit që uji pushton zonën.
Maliqi akuzon kryebashkiakun Kreshnik Hajdari, i cili është marrë nën hetim nga SPAK, se bën propagandë dhe show dhe nuk merr masa për rregullimin e kanaleve kulluese.
“Përmbytje në Tapi-Kuçovë! Hera e dytë pas 1-2 muajsh dhe i dënuari, i paafti, nën hetim nga “SPAK”, abuzuesi Hajdari, herën e parë pas përmbytjeve beri “Show” e propagandë me disa mjete sikur po hapte kanalet kulluese. Turp! Skandal! Së bashku na pret punë e madhe dhe e menjëherëshme për t’a kthyer Kuçovën në “Kantier Ndërtimi” dhe Bashkinë, t’jua kthejmë qytetarëve”,- shkruan Maliqi në fb.
