Drejtuesi i lëvizjes “Shqipëria Bëhet”, Adriatik Lapaj, vijon protestën e tij përballë Kryeministrisë, ku që prej 8 dhjetorit kundërshton qeverinë dhe kryeministrin Edi Rama.
I ftuar në emisionin “Opinion”, Lapaj foli për qëllimin e protestës dhe pritshmëritë e tij nga reagimi qytetar.
Lapaj u shpreh se kishte shpresuar për një pjesëmarrje më të madhe të qytetarëve, duke theksuar se në një vend normal, akuzat për vjedhje ndaj zyrtarëve të lartë do të sillnin reagim masiv.
Ai gjithashtu tha se qytetarët kanë një pritshmëri nga drejtësia, por kjo nuk mjafton.
“Kur e nisa protestën, e nisa me bindjen se duhet reaguar. Kam pritur që njerëzit të shtoheshin më shumë. Janë shtuar, por jo në numrat që do të doja. Qytetarët kanë një pritshëmri nga drejtësia, por kjo nuk mjafton duhen protesta. – deklaroi ai.
