Ish-banorja e “Big Brother VIP Albania”, Dea Vieri, ka rikthyer vëmendjen te bota e showbiz-it, duke dhënë një deklaratë që po komentohet gjerësisht në rrjet.
E ftuar në emisionin “Wake Up”, Dea foli për mënyrën se si personazhet publikë e menaxhojnë imazhin e tyre në rrjete sociale, sidomos kur vjen puna te lidhjet sentimentale.
Ajo tha se jo të gjitha vajzat të njohura zgjedhin të tregojnë partnerët e tyre në publik, dhe e shoqëroi këtë koment me një thumb me humor.
“Shumica e vajzave shqiptare nuk i publikojnë në rrjetet sociale të dashurit e vet, sepse – ‘Zot më fal’ – por i dashuri i vet kërkohet nga Interpoli,” tha Dea mes të qeshurave.
“Atë tjetrin e kërkon Interpoli dhe ajo ta postojë në Instagram… sikur nuk bën sens”, shtoi ajo.
Deklarata u prit me reagime të shumta në rrjetet sociale, ku përdoruesit ndanë komente, meme dhe situata të ngjashme, duke hapur debate për privatësinë, imazhin publik dhe mënyrën si e përdor rrjetin social brezi i influencerëve.
