Një ngjarje e rëndë është shënuar në qytetin e Gramshit, ku një 51-vjeçar dhe djali i tij 27-vjeç janë arrestuar nga policia, pasi akuzohen se kanë plagosur një 34-vjeçar me grushte dhe sende të forta.
Hetimet paraprake tregojnë se më 4 janar 2026, babë e bir kanë goditur me grushte dhe sende të forta 34-vjeçarin, i cili ndodhet nën kujdesin e mjekëve, jashtë rrezikut për jetën.
Edhe 34-vjeçari është vënë në pranga, pasi dyshohet se ka kanosur me thikë njërin prej të arrestuarve.
Materialet procedurale do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
